Ronaldo, Salah dhe Icardi kanë shkëlqyer këtë vikend, duke realizuar nga 4 gola.
Xhiro që po lëmë pas duket se ishte për sulmuesit, në veçanti për Mohamed Salahun, Mauro Icardin dhe Cristiano Ronaldon, të cilët realizuan nga katër gola.
I pari që e arriti ishte Salah i Liverpoolit, duke shënuar poker në fitoren 5-0 kundër Watfordit, në minutat 4’, 43’, 77’ dhe 85’, që e bën atë golashënuesin më të mirë në Evropë, me 28 rrjeta.
Po kaq gola shënoi në Serie A Icardi me fanellën e Interit në fitoren 5-0 kundër Sampdorias, në minutat 30’, 31’. 44’ dhe 51’, që tani numëron 22 gola në Serie A.
Kapakun kësaj fundjave të sulmuesve ia vuri Cristiano Ronaldo, duke realizuar gjithashtu 4 gola në fitoren e Realit prej 6-3 kundër Gironas. Portugezi realizoi në minutat 11’, 47’, 64’ dhe 90’, për të shkuar në 22 finalizime në La Liga.
