Ndërtimi i rrugës nga Srpska kuca e deri tek Levosoja, komuna e Bujanocit ka filluar që të ndërtohet nga viti 2015 në bazë të projektit të cilin CIP e kishte punuar qysh në vitin 2008. Pas gjithë asaj kohe pas nënshkrimit të marrveshjeve dhe kanë filluar punimet, është konstatuar se gjendja në teren ka ndryshuar edhe se projekti i vjetër 7 vjet dhe në momentin kur po nënshkruhen marrëveshjet, ai duhet të ndryshoj.
Punët shtesë në këtë pjesë rrugore të gjatë vetëm 8 kilometra do të kushtojë më shumë se 1 miliardë dinarë.
Arsyja për vonesë në këtë rast nuk është vetëm projekti që është dashur të ndryshoj pas 7 viteve por edhe është ndryshuar shtrati i lumit Morava jugore dhe për shkak të papërgjegjësisë të punëkryesve që nuk kanë rrespektuar dinamikën e punëve që duhet të kryhen.
Me këto, ndërkohë është prishur edhe marrëveshje dhe është hapur tender i ri me 6 mars edhe atë për përfundimin e punëve në pjesën nga Srspka kuca e deri tek Levosoja, në afërsi të qytetit të Bujanocit dhe punët shtesë të shtratit të lumit.
Punët në këtë pjesë kanë filluar në gusht të vitit 2015 dhe është dashur të përfundojnë në dhjetor të vitit 2016. Qysh në start kishin hasë në probleme me projektin dhe punëkryesit, afati për përfundim është shtyrë edhe për 10 muaj. Mirëpo, as kjo periudhë nuk ishte e mjaftueshme që të përfundoj kjo pjesë e autostradës.
