Presidenti i Kosovës, Hashim Thaçi, në llogarinë e tij në Facebook, ka publikuar foto nga konferenca e përbashkët me kancelaren gjermane Angela Merken, duke e quajtur Gjermaninë mike dhe aleate të përhershme të Kosovës.
Thaçi ka thënë se “Merkel mbetet shpresë për vendet e Ballkanit Perëndimor që aspirojnë anëtarësimin në BE”
Postimi i plotë i Thaiçit:
“Sapo përfundova një takim shumë përmbajtjesor me kancelaren gjermane, Angela Merkel. Me vizionin dhe lidershipin e saj, Kosova ka një perspektivë të qartë evropiane. Merkel mbetet shpresë për vendet e Ballkanit Perëndimor që aspirojnë anëtarësimin në BE, si kornizë e vetme e modernizimit të shoqërisë, demokratizimit, zhvillimit ekonomik dhe fqinjësisë së mirë. Kosova është më fat që ka miq dhe aleatë si Gjermania, e cila na ka përkrahur në periudhat më të vështira historike, në jetësimin e aspiratës për liri, pavarësi, shtetndërtim dhe në integrimet euroatlantike”, ka shkruar Thaçi. /Telegrafi/
