Fillon hakimi në garën “Hack Day Kosova 2017”

14/10/2017

Në Kampusin Inovativ të UBT-së, në Lipjan, po mbahet dita e dytë e garës për siguri kibernetike, “Hack Day Kosova 2017”, në të cilën po garojnë dhjetëra hakerë të rinj, në mënyrë individuale e grupore.

Gara e sivjetme përfshinë identifikimin e dobësive në infrastrukturën fizike dhe virtuale të sistemeve të ndryshme, të ekspozuara për këtë garë, pastaj hakimin e infrastrukturës WI-FI, si dhe hakimin fizik të pajisjes kompjuterike.

Infrasktruktura e “Hack Day Kosova 2017”, e dedikuar për testim, është e izoluar nga rrjeti i jashtëm i internetit.

Hakerët do të kenë në dispozicion tërë ditën e sotme për të gjetur mangësitë në sistemin e sigurisë, teksa nesër do të ndahen çmimet për fituesit dhe certifikatat për pjesëmarrësit.

Aktiviteti “Hack Day Kosova 2017”, është organizuar për nder të Muajit Evropian për Siguri Kibernetike, dhe si i tillë, ka ngjallur interesim edhe tek institucionet dhe bizneset e ndryshme vendore e ndërkombëtare, që po e mbështesin në forma të ndryshme këtë garë.

Kontribut në këtë garë po japin: Birra Peja, Uji Dea, ICTSmedia, Defcon, Ëmbëltore KIMI, Bylmeti, Printerior, RedBull, Lounge Bar Barrio B dhe Qendra Don Bosko.

Halimi: Vuçiqi kontrollon Preshevën përmes këshilltarit serb dhe Arifit

14/10/2017

0

Presidenti serb, Aleksander Vuçiq, vuri nën kontroll Komunën e Preshevës përmes emërimit të një këshilltari serb, edhe pse nuk ka fituar në zgjedhje. Përmes tij, ka krijuar epërsi për partinë e Arifit, të cilin e emëroi në krye të Komunës.

Presidenti i Serbisë Aleksandar Vuçiq e kishte paralajmëruar përzgjedhjen e Shqiprim Arifit në krye të Organit të Përkohshëm.

Kështu ka thënë në emisionin “Imazh” në RTK, kryetari i Partisë për Veprim Demokratik në Preshevë, Riza Halimi.

Ai ka thënë se Alternativa, e cila tashmë udhëheq me organin e përkohshëm të Preshevës, kishte vetëm 11 këshilltarë, derisa sipas tij, 1 këshilltarë e blenë përmes një posti.

Halimi ka thënë se në organin e përkohshëm, u emërua kryesues Arifi, derisa aty u fut edhe një anëtar i partisë së Arifit dhe edhe pse serbët nuk kishin fituar asnjë vend përfaqësimi në Kuvendin e Preshevës, një anëtar u emërua edhe nga partia SNS e cila udhëhiqet nga Vuçiqi.

Ai ka thënë se organi i përkohshëm në Preshevë është bërë me ndërhyrje direkte nga Beogradi.

Dhe për shkak të mos përfaqësimit korrekt në këtë organ partia e Halimit e ka bojkotuar atë.

Ai ka thënë se akuzat për korrupsion që i janë adresuar nga udhëheqësi aktual i organit të përkohshëm Shqiprim Arifi janë të pabaza, pasi vet Halimi ka deklaruar se tash e disa vite nuk punon në organe ekzekutive.

“Ne kemi qeverisë me PDSH një kohë të gjatë dhe nuk kemi pasur asnjë qasje në prokurim që lidhet me korrupsion”, ka thënë ndër të tjera Halimi.

Spitali mbeti pa rrymë, mamia ndihmoi të kryhej lindja përmes dritës së telefonit

14/10/2017

0

Claires Jones ishte në fund të procesit të lindjes, kur spitali që ndodhet në Pinderfields të West Yorkshire mbeti pa rrymë.

Por, kjo nuk e ndaloi 28-vjeçaren të sjellë në jetë një vajzë të shëndetshme, megjithëse salla ishte e errët dhe pajisjet nuk punonin.

“U trondita kur mamia i kërkoi burrit tim, t’ia drejtoi dritën nga telefoni dhe ajo vazhdoi të gjithë procedurën”, ka thënë Jones lidhur me rastin.

Për 25 minuta, punonjësja shëndetësore ia ka dalë ta nxjerrtë beben dhe të priste kordën e kërthizës, derisa dritat u kthyen sërish.

Zyrtarët e spitalit kanë kërkuar falje lidhur me rastin, por insistojnë se rryma është ndalur për vetëm gjashtë minuta, shkaku i një dëmtimi të pa pritshëm.

Përgjigjet më të çuditshme të shoferëve që kapen nga policia duke tejkaluar shpejtësinë e lejuar gjatë vozitjes – njëra prej tyre ka fituar (Foto)

14/10/2017

0

Policia në një qytet në Australi, çdo ditë dëgjojnë histori nga më të ndryshme nga shoferët e pa kujdesshëm që kapen duke tejkaluar shpejtësinë e lejuar.

Duke shpresuar se do t’i ikin dënimit, ata shpesh madje shfaqen kreativ, dhe kështu policët nuk kanë mundur t’i rezistojnë përgjigjeve të tyre të cilat i kanë publikuar në Twitter, transmeton Telegrafi.

Këto janë disa nga arsyetimet më kreative:

“Kam pasur nevojë urgjentisht të shkoj në tualet, fëmijët më kanë shkaktuar probleme në bark”

“Jam ngutur që t’ua blejë fëmijët NANDO’s (mish pule)”

Dhe ky është fituesi: “Erërat e forta më kanë shtyrë”

Brenda shtëpisë më të shtrenjtë, shitet për 355 milionë euro (Foto)

14/10/2017

0

Shtëpia luksoze që ndodhet në një hapësirë prej 15 hektarësh, i ka 14 dhoma gjumi, ndërsa është ndërtuar para 187 vitesh, transmeton Telegrafi.

Në brendi të saj është një pishinë me përmasa olimpike, podiumi për ballo dhe shumë hapësira të rehatshme për pushim.

Në oborr janë të mbjella mbi 15 mijë bimë të ndryshme, ndërsa ka edhe 20 shtëpiza me xhama ku kultivohen disa bimët më të rralla tropikale.

Pallati ka disa pishina të jashtme dhe liqene artificiale, si dhe një hapësirë ku mund të qëndrojnë deri në 30 kuaj.

Kjo shtëpi, që dikur i përkiste familjes mbretërore belge, ka pasur disa pronarë të pasur, që janë kujdesur dhe vetëm sa ia kanë shtuar gjërat luksoze. /Telegrafi/