Ballina Blog

Kurti: Stabiliteti i Bllaknit në kurriz të shqiptarëve, Lugina pjesë e pandarë e shqiptarisë

0
Kandidati për Kryeministër të Kosovës, Albin Kurti, u shpreh se stabiliteti në Ballkan, tradicionalisht mbahet në kurriz të shqiptarëve. Ndërkohë, shtoi se kanë më pak të drejta dhe mirëqenie, ndaj emigrimi është i lartë. Kurti theksoi se pavarësisht nëse janë nga Kosova, Shqipëria, Mali i Zi apo Maqedonia, të gjithë i thonë vetes shqiptarë. “Stabiliteti në Ballkan, tradicionalisht mbahet në kurriz të shqiptarëve, të cilët kanë më së paku të drejta dhe më të hollë mirëqenie, prandaj edhe emigrimin e lartë. Çdo i treti qytetar i Kosovës po del se nuk është banor i Kosovës. Kur është bërë regjistrimi i popullsisë, kam menduar se do të jetë çdo i pesti, por doli çdo i treti. Përderisa ne e kemi mërgatën tonë përgjithësisht në Zvicër e Gjermani, por edhe në Austri, Skandinavi, Londër e në ShBA, por sidomos në Zvicër e Gjermani, edhe Shqipëria e ka gjithandej, por sidomos në Greqi e Itali. Pra edhe në këtë aspekt, se çka një lloj komplementariteti kur ne mbulojmë gjithë Europën, por është interesant që shqiptarët kudo që janë, nuk e ndajnë veten në të Kosovës, Shqipërisë, Luginës, Malit të Zi e të Maqedonisë, por i thonë vetes siç edhe janë, shqiptarë. Dhe do të duhej që ne prej atje të kthejmë trurin, të sjellim investimet dhe të çojmë arsimtarët më të mirë të gjuhës shqipe në mënyrë që brenga e bashkatdhetarëve tanë për asimilimin e fëmijëve të tyre, të marrë përgjigjen e duhur se është e mundur që të kemi integrim pa asimilim”, ka thënë Kurti për oranews.

Kolona të gjata deri në 2 kilometra në pikën kufitare te Dheu i Bardhë

0
Kolona të gjata të veturave deri në katër kilometra janë regjistruar në hyrje të pikës kufitare të Kosovës te Dheu i Bardhe në hyrje te kosoves poashtu edhe në dalje.Qytetaret paknaqur me vendimin e pales sërbe per qe ju kan shtuar kontrolet detaluese te cdo veture ne te cilat trefishohet koha e pritjeve te gjata pa arsie.

Arrestohen 5 mjek në Preshevë për keqpërdorim të recetave

0
Pesë persona arrestohen në Preshevë nga policia serbe pas dyshimit se kanë mashtruar me receta mjekësore dhe duke e dëmtuar sigurimin shëndetësor serb për 9.8 milionë dinarë (afër 84 mijë euro). Tre prej personave të arrestuar janë punëtorë shëndetësor në Shtëpinë e Shëndetit në Preshevë, një i pensionuar dhe një farmacist Prokuroria serbe tregon inicialet e të dyshuarve për krimin e keqpërdorimit të detyrës zyrtare janë arrestuar punëtorët shëndetësor në Shtëpinë e Shëndetit në Preshevë F.N (43), A.B (42) dhe K.A. (55), si dhe një ish punëtor shëndetësor R.J (67), deri sa të dyshuarit A.M (44), person përgjegjës në një barnatore në Preshevë akuzohet se kreu veprën penale të keqpërdorimit të pozitës zyrtare, njofton ministria e Brendshme e Serbisë. Prokuroria e Nishit, departamenti për luftën kundër korrupsionit i arrestuan këta pesë persona pasi ka dyshim të bazuar se me mashtrim kishin abuzuar me recetat mjekësore dhe kanë dëmtuar Fondin Republikan për Sigurime Shëndetësore me vlerë 9.8 milionë dinarë të Serbisë. “Dyshohet se FN, A.B, K.A dhe R.J që nga janari i 2016’s deri në fund të 2017’s pacientëve i shkruanin receta për barna pa raportin e mjekut specialit në sasi më të madhe të lejuar të normës së caktuar mujore. Në kundërshti me rregulloren e listës së barnave të cilat shpërndahen nga fondet e sigurimit obligator shëndetësor dhe Rregullores për përmbajtje dhe shtrirjes së të drejtave në sigurimin shëndetësor dhe participimin. I dyshuari F.N. dyshohet se me receta kishte marrë barnat në barnatoret në Preshevë dhe i kishte shitur në territorin e Kosovës” thuhet në njoftimin e autoriteteve serbe. Të dyshuarit janë dërguar në mbajtje prej 48 orësh dhe ata me gjithë akuzën do të ju dorëzohen departamentit të posaçëm kundër korrupsionit të Prokurorisë së Publike në Nish

Nënshkruhen 97 kontrata për bizneset e vogla me vlerë prej 10 milionë dinarë

0

Sot komuna e Bujanocit ka nënshkruar 97 kontrata me bizneset e vogla nga komuna e Bujanocit. Sipas kryetarit të komunës, Shqip Kamberi nëpërmjet një postimi në facebook shkruan se janë ndarë gjithsej 10 milionë dinarë.

Në postimin e Kamberit ndër të tjera shkruhet se përgjatë tre viteve komuna ka subvencionuar rreth 250 ndërmarrje të vogla me vlerë prej 30 milionë dinarë. “U nënshkruan 97 kontrata me bizneset e vogla nga territori i Komunës së Bujanocit. Ketë vit, kemi parapa 10 milionë dinarë për përkrahje të 97 bizneseve nga Bujanoci, ndërsa për tre vjet kemi subvencionuar rreth 250 biznese të vogla në total prej 30 milionë dinarëve. Shifra këto shumë të kënaqshme krahasuar me vitet paraprake të subvencionimit të biznesit lokal. Edhe më tej mbetem i përkushtuar se ndërmarrësit duhen të përkrahen, sikur që pata premtuar se do të mbështes çdo iniciativë të mirëfillt për vetëzhvillim” – shkruan në facebook Kamberi.

Buxheti 2019-së, Arifi: Realizim jo i mirë, Kamberi: Rruga Muhoc – Zarbincë do të filloj

0

Kuvendi komunal i komunës së Bujanocit ka aprovuar propozim buxhetin për vitin 2019 në vlerë prej 1.06 miliardë dinarë.

Kryetari i komunës së Bujanocit, Shaip Kamberi është shprehur se do të ketë rritje të të hyrave duke e vlerësuar se ky buxheti do të ndihmojë në zhvillim.

Sipas tij buxhet një pjesë e buxhetit do të shpenzohet për administratën komunale dhe projektet e infrastrukturës.

Partia Demokratike përmes një komunikate për media ka njoftuar se  ky buxheti nuk është në të mirë të qytetarëve duke vlerësuar se ky është pushteti i kuotave “me shqiptarët për serbët

“Pushteti për “asfaltimin e rrugicave” edhe këtë vit do të ofrojë asfalt në kundërvlerën e votës dhe subvencione për ndërmarrjet “fantome” që hapen dhe mbyllen brenda dy muajve. Pushteti aktual edhe më 2019 do të ketë mjaft mjete për shëtitje, ahengje, ndeja, joshje të militantëve me seminare dhe ekskursione etj”, thuhet në njoftimin e PD-së. 

Punimet e seancës së kuvendit komunal I ka lëshuar edhe partia opozitare serbe e Aleksandër Vuçiqit duke arsyetuar se kërkesat e tyre nuk janë marrë në konsideratë./Titulli.com/

Buxheti i planifikuar për vitin që po vjen kapë lartësinë prej 1.060.463.520 dinarë.
Përveç planifikimit të mjeteve për shfrytëyuesit e drejtpërdrejtë dhe indirekt të këtyre mjeteve (administrata komunale, ndërmarrjet, institucionet dhe shkollat). Buxheti i vitit 2019 parashikon të realizojë një sërë projektesh infrastrukturore të rëndësishme për nevojat e qytetarëve në Bujanoc.

Projektet më të rëndësishme që do të realizohen më 2019:

Asfaltimi i rrugës Muhoc-Zarbicë…….. 40.000.000,00
Subvencione për bujqësi ……………… 22.400.000,00
Subvencione në biznes ……………….. 10.000.000,00
Bursat e studentëve ………………….. 10.000.000,00
Projekti i modernizimit të ndriçimit publik. .. 15.000.000,00
Renovimi i shtëpisë së Kulturës ………. 3.833.520,00
Ndërtimi i tregut të kafshëve ……………… 5.000.000,00
30.000.000,00 nga UNDP
Sistemi për furnizim me ujë të ……………. 20.000.000,00
Tërnocit………………………………………………. 10.000.000,00
Hapja e pusit për furnizim me ujë 
në Samolicë………………………………………… 3.000.000,00
Donacionet për sport ……………………………. 10.000.000,00
Donacionet për media…………………………… 5.000.000,00
Donacionet për SHKA …………………………. 2.000.000,00
Donacionet për OJQ ……………………………. 3.000.000,00

Një shpallje Sërbin tension dhe ngriti në këmb

0

Një Shpallje thuhet se 10 hektar tokë bashk me shtepin shitet, në fshatin Bela Voda në Krusevac. Kjo do të ishte Shpallja më e zakonshme për shitjet e pasurive të patundshme në Sërbi, shitesja shtepis Milenja percakton bleresin qartë se kush mund të ishte blerësi dhe kush nuk mund të merrte shtëpinë e Milenes. Shihet qartë se Milenja dëshiron bleres vetem shqiptar apo mysliman , kurse per serbet kjo shpallje nuk vlen thuhet në shpallje në gjuhen sërbe.

Gazetaret sërb i bëjnë thirrje të Milenes për të parë se çfarë ishte arsie dhe pse ishte aq i revoltuar me serbët, por ai ishte këmbëngulës në qëndrimin e saj për të mos na zbuluar arsyen e vërtetë të ultimatumit të saj.

Unë shes shtëpin time, por jo serbëve. Unë kam arsyet e mia pse nuk dua t’ua shes pronën time serbëve dhe nuk ia kam borxh askujt, madje as juve, t’i shpjegojë arsyet e mia. Myslimanët dhe shqiptarët munden, serbët jo edhe fund, shpjegoi Milenija.

Kur u pyetën nëse një Kroat mund ta blejë shtëpinë tuaj, përgjigja e tij ishte, “Kroatët mund, vetëm serbët nuk mund”/lugina24.com

MPB gati letërnjoftimet për banorët e Luginës (VIDEO)

0

Është një përqindje goxha e lartë e qytetarëve të Luginës së Preshevës të zhvendosur në Kosovë që po kanë telashe me nxjerrjen e dokumenteve të identifikimit.

Në MPB premtojnë se këtë problem do ta zgjidhin shumë shpejtë.

Kronikë nga Merita Neziri.

Kamberi në konferencë për media pas kthimit nga Washingtoni: “Lugina e Preshevës do të jetë në agjendën e SHBA – të gjitha opsionet e hapura në marrëveshjen Kosovë-Serbi

0

Gjatë një konference për media të mbajtur sot në kabinetin e tij, kryetari i Komunës së Bujanocit, Shaip Kamberi, ka folur për vizitën zyrtare që ka zhvilluar gjatë javës së kaluar në Shtetet e Bashkuara të Amerikës.

Kamberi, ka shpjeguar natyrën e takimeve në tre organizmat kryesore të SHBA-ve, kongresin, senatin dhe deprtamentin e shtetit.

“Në të gjitha takimet jemi munduar që në detaje të paraqesim pozitën e vështirë të shqiptarëve të Luginës së Preshevës dhe represionit sistematik të shtetit serb ndaj qytetarëve shqiptarë.

“Kemi marrë garancë që Lugina e Preshevës do të jetë në agjendën e SHBA-ve dhe njëkohësisht do pjesë e agjendës së bisedimeve në mes të Kosovës dhe Serbisë, dhe gjithashtu kemi marrë garancë se nuk do të ketë paqe në Ballkanin perëndimor pa i trajtuar të gjitha temat e hapura, përndryshe këtu nuk do të mund të ketë një stabilitete afatëgjatë dhe nuk do të mund të ketë marrëveshje efektive në mes të Kosovës dhe Serbisë” – deklaroi Kamberi.

I pyetur për qëndrimin e SHBA-vë rreth korrigjimit të kufirit në mes të Kosovës dhe Serbisë, ku po pretendohet që Lugina e Preshevës t’i bashkohet territorit të Kosovës, Kmaberi, u përgjigj: “Për Shtetet e Bashkuara të Amerikës nuk ka të përjashtuar asnjë opsion. Nëse palët bien dakord, atëherë për SHBA-të çdo marrëveshje është e pranuar

Kushti që kishin Tadiq dhe Koshtunica për ta njohur Kosovën, Lugina e Preshevës a diskutohej?

0

Ish-kryeministri dhe presidenti i Serbisë, Vojislav Koshtunica dhe Boris Tadiq ishin të gatshëm ta njihnin Kosovën por me një kusht të veçantë. Kështu ka deklaruar për emisionin “Cyrillic”, Urosh Suvakoviq, profesor i Sociologjisë në Universitetin e Mitrovicës Veriore.

Ai ka paraqitur pretendimin e tij se dy politikanët nga Beogradi ishin pajtuar për pavarësinë e Republikës së Kosovës në bisedimet që kishin me amerikanët.

Kushti kryesor i tyre ishte që emri i shtetit të ishte ndryshe. “Ata ranë dakord për çdo gjë përveç emrit, por disi ndryshe”, u shpreh ai.

Suvakoviq kujton kërcënimet e ambasadorëve të huaj, veçanërisht të gjermanëve Andreas Cobel, që nëse nuk e njihet Kosova, Lugina e Preshevës dhe Sangjaku do t’i merren Serbisë.

Më tej, profesori përmendi deklaratën e Nikola Sainoviç, ish kryeministri serb dhe zëvendëskryeministri i RFJ, i cili kishte theksuar se qëllimi i ndarjes së Jugosllavisë në fakt është të ndajë vendin, jo në gjashtë, por në tetë pjesë.

Shefat isufi përmes një postimi në faqen e tij  faliminderon fansat

0

faliminderon perkrahjen e gjithë publikut te ndeshjes se tij me te rëndësishme ne jetë.

Holanda fituese e Eurovision’it 2019

0

Në natën finale të Eurovisionit 2019, fituese është shpallur Holanda me këngën ‘Arcade’ të Duncan Laurence.

Shqipëria me këngëtaren Jonida Maliqi, mbeti shumë larg në votime.

Një sondazh live në sajtin zyrtar të Eurovisionit, e nxjerrur të parën me vota këngën e Jonida Maliqit, ‘Ktheju tokës’.

Festivali i Eurovision u mbajt në Izrael, kurse vitin tjetër pritet të zhvillohet në shtetin fitues, pra në Holandë.

Saunders fiton pas 12 raundeve ndaj Shefat Isufit nga Lugina

0

Boksieri shqiptar nga Lugina, Shefat Isufi ka pësuar humbje në duel me boksierin britanik, Billy Joe Saunders për titullin e kampionit botëror në versionin WBO, në kategorinë super të mesme.

Isufi pati një paraqitje mbresëlënëse në këtë mbrëmje, por hasi në një rival tejet cilësor, siç është Billy Joe Saunders, i cili ashtu siç edhe pritej nga ekspertët e boksit e dominoi plotësisht meçin. Megjithatë, Shefati dëshmoi se jo rastësisht ka arritur në majat e boksit botëror, duke rezistuar plotë 12 raunde dhe në disa momente duke shfaqur potencialin e tij në ring.

Pas një dueli mjaft interesant, Joe Saunders fitoi me meritë me vendim unanim të gjyqtarëve.

Me këtë fitore Britaniku ka një bilanc prej 28 ndeshjeve pa asnjë humbje dhe asnjë barazim, ndërsa Isufi ka regjistruar 27 fitore, 4 humbje dhe 2 barazime përgjatë karrierës së tij si profesionist.

WP2Social Auto Publish Powered By : XYZScripts.com