Kryetari i Komunës së Bujanocit, gjatë ditës, ka pritur në takim, disa profesorë të Universitetit të Europës Juglindore në Tëtovë.
Nëpërmjet një njoftimi, thuhet se Komuna e Bujanocit, do të thellojë bashkëpunimin me ketë universitet në hartimin e rpojekteve për IPA fonde.
“Delegacioni me profesor të Universitetit të evropës juglindore, i përbër nga profesorët Jonuz Abdullahu, Memet Memeti dhe Agron Rrustemi, qëndruan për vizitë pune në Bujanoc.
Përveç promovimit, gjatë takimit me kryetarin Kamberi, u dakordua edhe thellimi i bashkëpunimit në mes të komunës së Bujanocit dhe UEJL-së në aspektin e asistimit për shkruarjen e IPA projekteve dhe krijimit të mundësisë për praktikë profesionale për studentët e Bujanocit që studiojnë në këtë Universitet” – thuhet në njoftim të publikuar nga faqja zyrtare e Komunës së Bujanocit.
Profesorët e UEJL, gjithashtu kanë zhvilluar një takim me nxënësit e shkollës së mesme “Sezai Surroi”./Lugina-Lajm/
