Të gjithë e dimë se deodoranti largon erën e keqe të trupit, që shkaktohet si pasojë e djersitjes. Por, ajo çfarë nuk e keni ditur është mënyra e saktë se si deodoranti vepron në trupin tonë.

Deodoranti vret bakteret që shkaktojnë kundërmim

Besojeni apo jo, djersa nuk ka erë. Në fakt, siç edhe tregoi Huffington Post në një artikull për deodorantët, djersa në vetvete është pa erë. Era e keqe nga djersët shkaktohet kur disa baktere sulmojnë një nga llojet e djersëve në lëkurën tuaj. Pasi që deodoranti përmban efekte antibakteriale, ai është në gjendje që t’i vrasë këto baktere që shkaktojnë erën e keqe, dhe kështu ju të keni një erë të pastër.

Deodoranti nuk ju mbron nga djersët

Deodoranti ju ndihmon që të mbani nën kontroll erën e keqe të trupit, por nuk i pengon gjëndrat e djersëve të kryejnë punën e tyre. Nëse dëshironi të ndaloni djersitjen, ekzistojnë disa antipersiprantë të cilët e bëjnë këtë për ju, transmeton Gazeta Express.

Deodoranti mund të ndryshojë bakteret në trupin tuaj

Siç kishte raportuar LiveScience në shkurt, përdorimi i antiperspirantëve dhe deodorantëve mund të ndryshojë mikrobiomin e lëkurës.

Lidhja mes deodorantit dhe kancerit në gji nuk është vërtetuar ende

Ndoshta i keni dëgjuar disa njerëz duke thënë se gratë të cilat përdorin rregullisht deodorant janë në një rrezik më të lartë për të zhvilluar kancer të gjirit. Përderisa kjo nuk është vërtetuar ende nga mjekësia, ajo çfarë dimë deri më tani është se përbërësit në deodorantë kanë treguar se kanë efekte në hormone, dhe që potencialisht mund të promvojnë rritjen e qelizave të kancerit në gji.

Kështu që, nëse përdorni deodorant, nuk keni nevojë që ta hidhni atë – për shkak se pretendimet se shkakton kancer në gji nuk janë vërtetuar ende.

Nga ana tjetër, farat e tij përdoren gjerësisht në mjekësi për prodhimin e medikamenteve të ndryshëm. Mund të mos ju duket frut shumë i shijshëm, por ai përmban një sërë vlerash ushqyese dhe pikërisht për shkak të tyre, duhet ta blini dhe ta konsumoni.

Vlerat e vërteta të ftoit mund t’i merrni duke e konsumuar atë si frut organik bashkë me lëkurën, duke qenë se është i pasur me lëndë të shumta ushqyese, si vitamina, minerale, përbërës fenolikë, antioksidantë dhe fibra distike.

Disa nga përfitimet shëndetësore të ftoit janë ulja e kolesterolit, forcimi i sistemit imunitar, parandalimi i sëmundjeve gastrointestinale, lehtësimi i inflamacionit, ulja e tensionit të gjakut, parandalimi i alergjive të ndryshme dhe përmirësimi i qarkullimit të gjakut.

Ftoi është një burim i pasur me vitaminë C, zink, kalium, hekur dhe fibra dietike. Ai gjithashtu përmban elementë organikë dhe ushqimorë që ia shumëfishojnë vlerat shëndetësore.

Ndihmon në rënien në peshë

Një mënyrë e mirë për të përshpejtuar metabolizmin dhe rënë në peshë është të përmirësoni tretjen. Ftoi është i pasur në fibra dietike, lëndë ushqyese këto që ndihmojnë sistemin tretës. Do të keni më shumë energji dhe do të humbisni më shumë peshë duke përmirësuar shëndetin digjestiv.

Parandalon sëmundjet gastrointestinale

Përveç se ndihmon në procesin e tretjes së ushqimeve, ku e facilitojnë edhe fibrat dietike, mund të ndihmojë gjithashtu për të parandaluar një sërë gjendjesh gastrointestinale, si sëmundja e zorrës së irrituar ose divertikulitin.

Kujdesi ndaj lëkurës

Nivelet e larta të antioksiduesve dhe vitaminave tek ftoi janë shumë të mira për të mbajtur të shëndetshme dhe të re lëkurën. Antioksiduesit parandalojnë dëmtimin nga radikalet e lira në lëkurë, duke parandaluar kështu shfaqjen e parakohshme të rrudhave, të njollave dhe mbrojtur lëkurën kundër rrezeve ultraviolet

Rregullon presionin e gjakut

Kaliumi është një nga mineralet më të rëndësishëm në trup, pasi mban nën kontroll presionin e gjakut dhe ndihmon për të transportuar lëngjet në qelizat e trupit. Sa i përket presionit të gjakut, kaliumi ndihmon në vazodilatacionin (relaksimin) e enëve të gjakut dhe arterieve, duke parandaluar kështu sforcimin e sistemit kardiovaskular. Kështu, mund të ulet rreziku për zhvillimin e sëmundjeve të tilla si ateroskleroza, sëmundja koronare e zemrës, infarkti në zemër në tru.

Forcon sistemin imunitar

Përveç antioksidantëve, ftoi është i pasur edhe në vitamina, si ajo A dhe E, të cilat forcojnë sistemin imunitar në disa mënyra. Për shembull, vitamina C stimulon sistemin imunitar duke rritur furnizimin me qeliza të bardha të gjakut, që janë të parat për mbrojtjen kundër viruseve, baktereve dhe patogjeneve në trup.

Përmirëson qarkullimin e gjakut dhe parandalon aneminë

Përmbajtja e lartë në minerale, si hekuri dhe zinku, ndihmon në prodhimin e qelizave të kuqe të gjakut dhe qarkullimin e gjakut në të gjithë trupin. Kështu parandalohen sëmundje të tilla, si anemia për shkak të mungesës së hekurit.