Radhë të gjata të të rinjve janë parë para ambasadave afër “Parkut të qytetit” në Prishtinë. Ata kanë pritur me orë të tëra për të aplikuar për viza pune për në shtetin e Kroacisë. Këto pritje të gjata tregojnë më së miri rritjen e trendit të ikjes të të rinjve nga Kosova.

Mungesa e vendeve të punës dhe humbja e shpresës janë arsyet kryesore që po i shtyjnë të rinjtë ta braktisin vendlindjen e tyre për të kërkuar një jetë më të mirë.
Kroacia është shteti për të cilin kanë shprehur interesim më të madh të rinjtë për të shkuar dhe punuar për shkak të procedurave më të lehta.

Por pavarësisht kësaj, ditë më parë kryeministri i Kosovës, Ramush Haradinaj, kishte mohuar se të rinjtë po e lënë Kosovën, raporton KTV, përcjell Albinfo.ch.

Ndërsa Kryetari i Kuvendit Kadri Veseli ka kërkuar nga të rinjtë që mos ta braktisin vendin e tyre. Veseli ka thënë se shteti nuk forcohet duke ikur, as duke u tërhequr nga sfidat. Ndërsa Deputeti i VV-së, LIburn Aliu ka thwnw se qytetarët po ikin jashtë vendit pasi që Kosova po përballet me ngecje në zhvillimin ekonomik.

Rahim Salihi nga kabineti i kryetarit të komunës së Bujanocit ka reaguar ndaj aktivitetit të forumit të Partisë Demokratike të cilët kishin vendos transparent me mbishkrime kundër qeverisjes aktuale lokale.

Salihi përmes një shkrimi në facebook ka shkruar pë rata se ju që ambulancën e falët dy here, e shkarkuat drejtorin shqiptarë para kohe, emëruat at serb dhe e zëvendësuat përsëri jo për ta përmirësuar gabimin e parë por për të gabuar për së dyti.

Më poshtë keni shkrimin e plotë të Rahim Salihit:

Si nuk ju vjen turp sot për të bëmat e juaja dje?

Kujt po i shitni mend për udhëheqje të drejtë e pushtet shqiptarë? A bash po mendoni që jeni larë e shpërlarë sa që keni të drejtë morale të flisni sot?

Ju, që ambulantën e falët dy herë. E shkarkuat drejtorin shqiptarë para kohe, emëruat at serb. E zëvendësuat përsëri. Jo për ta përmirësuar gabimin e parë por për të gabuar për së dyti.

Ideatorë dhe kreatorë të ndarjes së pushtetit 60 – 40.

Ju, që gjuhën shqipe e bastarduat dhe shkarravitët po në këtë institucion. Që larguat mjekë e motra medicionale me vendime pune dhe që të njejtët u kthyen në punë nga gjykata. I larguat e ne i kthyem. Jo vetëm kaq, por edhe morën dëmshpërblime për dëmet që ju i bëtë.

Si nuk ju vjen turp sot të flisni ju për qeverisje të mirë. Ju pushteti i rreth – rrotullimit skandaloz e sheshit të shkatërruar? Fontanave të prishura dhe punës shkel e shko.

Asfalto maniak,

Na thuani vetëm një punë të vetme që keni bërë gjatë mandatit 2012 – 2016 e që është bërë pa asfalt e beton. Pa kocka e pa pllaka. Prandaj edhe jeni pushteti i asfaltit. Jeni asfaltomaniakët. Asfaltomania vet.

A e mbani në mend që të gjitha shkollat shqipe i keni pasur me udhëheqës në cilësi të Ushtruesit të drejtorëve. I emëronit të premteve e shkarkonit të hënave. E që të njejtat i keni stërmbushur me aktivist partiak dhe që pa asnjë fije turpi i shantazhoni e kushtëzoni edhe sot? I keni bërë normat e orëve copë copë. Dikujt dy e dikujt tri orë. Dikujt 7 mij e dikujt 10 mij dinarë rrogë.

Si nuk ju vjen turp të flisni dhe vajtoni për mësuesit shqiptar të pa punë kur edhe sot kuadrot e juaja udhëheqin gati se të gjitha shkollat fillore dhe të mesme në Komunën e Bujanocit.

Në vend se t’i fotografoni ata duke punuar si muratorë, thirrni drejtorat e juaj dhe angazhoni këto kuadro të japin kontributin e tyre në ngritjen e dijes e jo ngritjen e mureve dhe punëve fizike.

A nuk ju vjen turp kur drejtorët që udhëhoqen me ndërmarrje publike në kohën tuaj, sot denohen me burg. E ju heshtni. Nuk i shkoni as dëshmitarë në gjykatë. Ju që njerzit e besueshëm të partisë tuaj i shfrytëzoni, keqpërdorni, urdhëroni të largojnë shqiptarë nga puna dhe në fund i harroni. I leni vetë. I paraqitni si të padëgjushëm.

Çfar qeverisje ishit ju?

E përçarjes dhe diferencimit politik. Hasmërisë dhe shantazhimit. Inçizimit të ndërsjellë dhe kushtëzimeve të mëvonshme. Largimit të shqiptarëve nga puna dhe luftimit të kundërshtarëve politik.

Dhe sot shitni mend.

Pushteti i Budës së Vrajës që asnjëherë nuk patët as guximin ta votoni Skenderbeun për Sheshin e Bujanocit.

E leje që shitni mend, por, mundoheni të na bindni se Bujanocit të të rinjëve i nevojitet edhe njëherë “kryetari historik”.

Ai që ka po aq vite pushtet sa ka jetë çdo i ri që vitin e ardhshëm do të votojë për herë të parë

Lokali “Toskana” pronë e biznesmenit shqiptarë Avni Ajetit në Bujanoc është lokali i parë pas konflikteve të armatosura i cila i ka shërbyer popullatës në këtë lagje të qytetit, por që atëherë serbët lokal veçanarisht ata të banesave ku edhe gjendet lokali e kanë kundërshtuar duke shantazhuar me ide të ndryshme si dhe me njëllosje me ngjyrë të zezë në muret e lokalit deri te iniciativat e ndryshme se gjoja renovimi po rrezikon sigurin e ndërtesës dhe deri të kercënimi me jetë. Përgjatë kësaj periudhe mëse 6 herë serbët kanë ndërmarrë iniciativa të ndryshme, duke shkruar grafite, kërcënim me jetë e deri të vjedhja e makinës së pronarit, por Ajeti asnjëherë nuk është dorëzuar, ai e ka ngjyrosur renovuar dhe lokali (Piceria Toskana) gjithnjë ka qenë në shërbim të qytetarëve.

Kohëve të fundit afera ndaj këtij lokali prap është aktivizuar kur pronari ka dashur që ti kryej disa renovime të vogla, sikurse i bëjnë gjitha lokalet tjera, me këtë rast sipas djalit të tij Artonit, në një bised për presheva.com, serbët po tentojnë që ta pengojnë në të gjitha mënyrat, duke kërkuar nga organet kompetente që ti ndërpresin punimet, se gjoja po rrezikohet siguria e ndërtesës me rastin e renovimit. Familja Ajeti këtë e konsideron si presion të palës serbe dhe asgjë tjetër, sepse sipas tyre ndoshta edhe po i pengon që një shqiptarë ta ketë lokalin në këtë zonë ku ndëgjohet muzik në gjuhën shqipe. Djali i pronarit në rrjetin e tij social iu ka drejtuar dhe organeve komunale që të ndërmarrin diçka në këtë drejtim sepse siç ka shkruar ai, prindi i tij gjithmonë ka qenë taksapagues i rregullt dhe se lokali është pronë private. Në postimin e tij Arotni ka shkruar:“Çfar po ndodh 2001-2019 në Bujanoc” Presion i vazhdushëm ndaj prindit tim biznesmen që 30 vite Avni Ajeti ndonëse tatim pagues i rregullt dhe kontribut të vazhduëshem në çdo sfer kurdoher për Komunn e Bujanocit. Presion për renovimin e lokalit “Toskana” nga banorët serb i vazhdueshëm që nga viti 2001-2019 disa her të demoluar lokalin në prap nuk jemi tërhequr dhe jo vetëm kjo por dhe kërcënime me jetë dhe vjelljen e mjetit Mercedes. I bëjm thirrje instutucionit më të madh, Komunës së Bujanocit mos të heshtë por të jetë transparent për të gjith njesoj. Ligjit të vazhdojë për të gjith njësoj. Prona është e jona, ka shkruar Ajeti.

Ambasdori i OSBE-së në Serbi Andrea Orizio së bashku me komesarin e lartë për pakica kombëtare në OSBE, Lamberto Zanier gjatë vizitës që bëri në komunën e Bujanocit, takuan edhe studentët e fakultetit ekonomik të Suboticës dega në Bujanoc.

Gjatë diskutimeve me studentët ata folën për shumëgjuhësinë dhe cilësinë e edukimit si mjet për avancim personal dhe professional, shkruan Titulli.com.

“Kemi folur me përfaqësuesit e studentëve dhe nga ata kam dëgjuar inciativa shumë të mira”, tha Lamberto Zanier.

Ata u shprehën se OSBE ka investuar në mësimin e gjuhës serbe për studentët shqiptar dhe mësimin e gjuhës shqipe për studentët serb me qëllim që të ndërtojnë të ardhme të përbashkët në territorin e komunës së Bujanocit dhe përreth.

Duke folur për rëndësinë e edukimit Andrea Orizio tha se akademia ka luajtur një rol të rëndësishëm në zhvillimin e shoqërive evropiane, raporton Titulli.com.

“Toleranca dhe sundimi i ligjit janë ndoshta ndër më të rëndësishmet për të ardhmen e Serbisë dhe rajonit”, tha mes tjerash Orizio.

Përfaqësues të OSBE-së dhe shefi i delegacionit të BE-së në Serbi, Sem Fabrizio morën pjesë edhe në takim me palët e interesuara për funksionimin e fakultetit ekonomik në Bujanoc si dhe  zhvilluan biseda për tekstet për shkollat shqipe me ministrinë e arsimit, shkencës dhe zhvillimit të teknologjisë së Serbisë, Mladen Sharceviq./Titulli.com/

Presidenti i Serbisë, Aleksander Vucic, ka folur rreth dialogut të Brukselit për normalizim të raporteve ndërmjet Kosovës dhe Serbisë.

Siç shkruan ‘rts’, Vuçiq ka thënë se shqiptarët aktualisht nuk e dinë se çfarë po duan, dhe se po e bëjnë gabimin që Serbia e kishte bërë gjatë viteve të 90-ta.

“Mendoj se shqiptarët nuk e dinë se çfarë po duan, dhe mendoj që ne e dimë një gjë të tillë për herë të parë. Shqiptarët po e bëjnë gabimet që ne i kemi bërë gjatë viteve 1990”, ka thënë Vucic.

Ndër të tjera ai ka thënë se është më mirë që të ketë edhe 100 vjet bisedime, se sa një ditë luftë

“Pavarësisht se çfarë jemi, ne nuk jemi budallenj. Më mirë 100 vjet bisedime se sa luftë për një ditë”, ka thënë ndër të tjera presidenti serb, transmeton Gazeta Express.

Sa i përket idesë së korrigjimit të kufijve, Vucic ka thënë se është një ide e cila mund të dërgoj në zgjidhje, por që aktualisht nuk ka asgjë të qartë pasi që Gjermania nuk e përkrah një nismë të tillë./GazetaExpress/