Profesori dhe eksperti amerikan për politikën dhe çështjet e Ballkanit në Universitetin e Nju Jorkut, Alon Ben-Meir, ka folur sërish për marrëdhëniet mes Kosovës dhe Serbisë.

Ai ia ka kujtuar Serbisë se Kosova është shtet i pavarur dhe se ajo nuk mund të kontrollojë fatin e vendit tonë.

Profesori amerikan ka ftuar Serbinë që të hyjë në dialog kuptimplotë, pasi sipas tij, nuk ka zgjidhje tjetër praktike për normalizimin e raporteve mes të dyja vendeve.

“Serbia duhet të pranojë se nuk mund ta kontrollojë fatin e Kosovës. Kosova është dhe do të mbetet një vend i pavarur. Serbia duhet të përballet me këtë fakt të pakthyeshëm dhe të hyjë në një dialog kuptimplotë, për të cilin të dyja palët duhet të angazhohen për të gjetur një zgjidhje thjesht sepse nuk ka alternativë tjetër praktike”, ka deklaruar Ben-Meir në një shkrim në rrjetet sociale.

Sipas tij, dialogu do të ketë sukses, vetëm nëse të dyja vendet janë të gatshme për të bërë lëshime të nevojshme.

“Nëse të dyja palët janë të gatshme për të bërë lëshimet e nevojshme, ato do të kenë sukses. Ajo që duhet është guximi, guximi është ai që duhet të shfaq që lidershipi në të dy anët. Ora bën thirrje që udhëheqësit të ngrihen mbi grindjen dhe të zotohen në këtë kuptim të kësaj rasti të rëndësishëm për të filluar një kapitull të ri”, ka thënë më tej Alon Ben-Meir.

Ai ka kritikuar edhe politikanët e Kosovës për korrupsionin, duke thënë se shteti nuk duhet të dështojë për shkak të tyre.

“Pavarësia e Kosovës u njoh nga SHBA-të dhe vendet kryesore të BE-së. Kosova është një projekt perëndimor dhe nuk duhet ta lejojmë atë të dështojë, por gjithashtu duhet të vëzhgojmë politikanët e korruptuar në Kosovë dhe t’i mbajmë ata përgjegjës”, ka shtuar eksperti amerikan.

Presidenti serb Aleksandar Vuçiq shprehu keqardhje që ideja e tij për vendosjen e kufirit përfundimtar përmes një kompromisi midis serbëve dhe shqiptarëve dështoi, transmeton ‘Zëri.info”.

Siç tha ai, ideja është shembur sepse njerëzit tanë kanë menduar ndryshe dhe kjo do të na kushtojë tepër shumë brenda dy deri tre dekada.

Ai njoftoi se më 8 maj do të ketë një takim me Matteo Salvini, se me 10 maj do të mbahet paradë ushtarake në Nish, dhe se pas kësaj serbëve nga Kosova do t’u përcillet rezultati i samitit në Berlin dhe të gjitha bisedimet në lidhje me Kosovën.

Vuçiq, duke iu përgjigjur pyetjes rreth marrjes së një vendimi mbi kundërmasat ndaj taksave të Prishtinës dhe zgjedhjet lokale, tha se ai po mendon për këtë çdo ditë, transmeton ‘Zëri.info’.

Sipas tij, është zhvilluar një fushatë e ashpër kundër mundësisë së kompromisit për korrigjimin e kufijve, si nga pala e jashtme, ashtu edhe nga publiku lokal, sepse ata dëshironin një Kosovë të pavarur në tërë territorin e saj, transmeton më tutje “Zëri.info”.

“Të gjithë ata që e bënë Kosovën të pavarur, ndërsa flisnin për korrigjimin, janë shtirur si të paaftë, sepse nuk donin të thoshin se ata janë për Kosovën si të tërë e pavarur nga Serbia. Për këtë është angazhuar Rada Trajkoviç, sikurse kancelarja gjermane Angela Merkel dhe të gjithë të tjerët, “shpjegoi Vuçiç. Ai tha se nuk angazhohet për një Kosovë të pavarur brenda këtyre kufijve, por për vendosjen përfundimtare të një kufiri kompromisi midis serbëve dhe shqiptarëve. “Idetë e mia kanë dështuar. Kjo do të kushtojë popullin tonë, vendin tonë brenda 20-30 vjetëve. Nuk mendoj se do të kem një ngushëllim personal që dikush do të thotë se isha largpamës. Unë nuk kam qenë mjaftueshëm bindës, unë nuk kam arritur të shpjegojë se cila është gjendja e vërtetë, se nga emocionit më i rëndësishëm është realiteti”, tha Vuçiç.

Ai shtoi se kanë bërë një mashtrim të gjithë ata që e kanë njohur tashmë Kosovën e pavarur dhe janë deklaruar kundër korrigjimit të kufijve dhe në këtë drejtim kanë punuar edhe një pjesë e publikut lokal, sidomos ata që kanë marrë pjesë në krijimin e një Kosove të pavarur.

Ai rikujtoi se Prishtina në vitin 2008 solli deklaratën e pavarësisë, dhe në atë kohë ata që ishin në pushtet, ishin shtirur të shurdhër, i kanë ndihmuar duke kërkuar mendimin e Gjykatës Ndërkombëtare të Drejtësisë si dhe duke tërhequr negociatat nga OKB në BE.

“Sa më përket mua, në aspektin historik do ta kem më lehtë, sepse do të mbahem mend për rrugët madhështore, urat, që për një kohë të shkurtër kam dyfishuar pagat dhe pensionet, në mënyrë që njerëzit të mund të jetojnë më mirë. Dhe dikush tjetër për fat të keq do të duhet për të komunikuar lajme të rënda dhe të vështira për Serbinë në të ardhmen dhe kush ka gënjyer popullit tonë, pse serbët u pajtuan me gënjeshtrat e Haradinajt dhe Trajkoviqit dhe pse nuk kanë dashur të dëgjojnë të vërtetën”, përfundoi Vuçiç./ZERI

Presidenti i Kosovës Hashim Thaçi, insiston se ideja e tij është bashkëngjitja e Preshevës, Medvegjës dhe Bujanovcit me Kosovën, pa u cenuar siç thotë, asnjë centimetër i territorit aktual të vendit.

Madje thotë se nëse ky është mëkat, është në gjendje që të paguajë çmimin për këtë.

“Sa i përket korrigjimit të kufijve të gjithë mund të jenë kundër, por unë jam që Presheva, Medvegja dhe Bujanovci t’i bashkëngjiten Kosovës, pa e cenuar asnjë centimetër të territorit të Republikës së Kosovës, nëse ky është mëkat i imi unë paguaj çmim, por jam në të drejtën e Zotit dhe të popullit të Kosovës dhe shqiptar”, tha ai.

Ditëve të fundit është duke u punuar vazhdimisht rrugët qyteti Bujanoces dhe fshatrat ,sot është punuar rruga “jovana cvujica ”, gjegjësisht në pjesën afër salles sportit . Aktualisht është duke u asfaltuar kjo pjesë, ndërsa ditë më parë është rregulluar për kombësoret.

Në këtë pjesë është asfaltuar rruga nga Salles sportit plotsisht qe bashkon deri te stadiumi i qytetit.
komunikacionin rrugor në pjesën e qytetit cdo dite po rregullohet sipas standardeve europiane,banoret e kësaj rruge mbeten te knaqur me punen nga komuna edhe kryeshefit të drejtoratit për investime dhe zhvillim në komunën e Bujanocit, Enver Ramadani. lugina24.com

Ministri i Administratës shtetërore dhe vetëqeverisjes lokale, Branko Ruzhiq ka nënshkruar kontratat me 63 kryetar të komunave për financim.

Ruzhiq është shprehur se mjetet dedikohen për infrastrukturë, menaxhimin e-administratës, organizimin e manifestimeve kulturore, turistike e sportive dhe parandalimin e fatkeqësive elementare.

Nga ky fond komuna e Bujanocit ka përfituar një projekt me vlerë prej 4.7 milion dinarë për avancimin dhe zhvillimin e punës së kuvendit komunal përmes sistemit elektronik të votimit dhe mbajtjes së seancave, raporton Titulli.com.

Nga i njëjti fond ka përfituar edhe komuna e Preshevës projektin me vlerë 2.424 milion dinarë për digjitalizimin e kuvendit komunal të komunës së Preshevës.

Ministri Ruzhiq ka thënë se këtë vit buxheti ishte 50% më i madh nga viti 2018 duke vlerësuar se projektet e mbështetura do të sjellin zhvillimin komunave që kanë përfituar

Edhe pse ishte propozuar nga Pridukcioni kinematografik i Beogradit që në Shtëpinë e Kulturës në Bujanoc të shfaqet filmi Ruso-Serb “KUFIRI BALLKANIK” i cili ka përmbajtje të urrejtjes mes popujsh, drejtori i këtij institucioni kultuorë Jetmir Ismaili nuk ka lejuar që ky film ti shfaqet publikut bujanocac.

Në deklaratën dhënë presheva.com Ismaili është shprehur se, “Po e vërtetë është se na kanë dërguar nga produkcioni kinematografik nga Beogradi që ta shfaqim në Shtëpinë e Kulturës, sepse ata na dërgojnë filmat, unë isha në pushim kur erdha në punë punëtorët më treguan se ka arritur filmi, unë menjëherë hulumtova në internet për përmbajtjen e tij dhe kur kuptova cila është përmbajtja menjëherë urdhërova që ky film mos të shfaqet”, është shprehur Ismaili. Ai gjithashtu tha se, nuk është drejtë që persona të caktuar të merren aq shumë me gjëra të tilla sa të paraqesin në rrjetet e tyre sociale se filmi ka arritur në Bujanoc dhe se gjoja do të shfaqet pa patur informacione të hollësishme.

Filmi Ruso-Serb “KUFIRI BALLKANIK” ka shum skena të cilat kanë për qëllim urrejtjen mes popujve, ku në një insert është e përfshirë edhe UCPMB, gjegjësisht amblemi i UCPMB-së në një automjet, ndërsa filmi flet për periudhën e hyrjes së KFOR-it Ruse në Kosovë, periudhë kjo në të cilën UCPMB nuk ishte shfaqur publikisht. Në mediat Britanike është thënë se, përderi sa publiku i Moskës ka qarë, ndërsa ai serbë ka bërë tifo në premierën e filmit “Kufiri Ballkanik”, prestigjiozja Britanike “Times” ka vlerësuar se ky film “minon” paqen rajonale. /presheva.com/.