Lokali i vetëm në sheshin K.Petrovic në qendër të Bujanocit i cili kishte qenë në pronësi të sërbëve tashmë ka kaluar në pronësi të shqiptarit dhe kjo ka trazuar serbët lokal edhe pse jo publikisht kjo i ka shqetësuar ata, duke plasuar informata dhe deklarata në mediat lokale serbe.

Kompania Heba, e cila është në pronësi të kompanisë Nektar nga Baçka Pallanka, e ka shitur lokalin në qendër të Bujanocit në të cilin gjendet marketi “Sprint”. Ky lajm është konfirmuar për mediat lokale serbe nga vet pronarët e Sprint marketit por edhe nga burimet brenda kompanisë Heba, të cilë nuk kanë qenë të kënaqur me vendimin e pronarëve. Kompania Heba kohë më parë ka shitur edhe parcelën e cila gjendet ndërmjet Fakultetit Ekonomik dhe repartit të kompanisë Jumko përballë Shtëpisë së shëndetit.

Transakcioni i mjeteve është kryer ditë më parë ndërsa pronarë i lokalit tashmë është shqiptarë nga fshati Lluçan i Bujanocit i cili jeton dhe vepron në Zvicërr. Pronarët e marketit Sprint, të cilët për dhjetë vite janë qiramarrës të lokalit që nga privatizimi i Hebës, kanë dashur që nga ajo të blinin lokalin, por në disa raste kanë marrë përgjigje se nuk është në shitje. Tani ata prisnin që, nëse ata kishin vendosur të shisnin, Heba së pari atyre t’ia oforojë lokalin për blerje.

Kjo nuk ndodhi, por krejt rastësisht ata ishin informuar se lokali ëhstë shitur, kështu që tani shpresojnë të bien dakord me pronarin e ri për të vazhduar dhënien me qira, kanë thënë burimet brenda marketit Sprint, të shqetësuar rreth shitjes së lokalit. Sipas të dhënave jozyrtare mësohet se lokali në bazë të hapsirës që ka është paguar rreth 150,000 deri 200,000 euro. Çmimi për metër katrorë i hapsirave tregtare në shesh është 2,500 deri 3,000 euro për metër katror.

Nga ana tjetër sërbët lokal aspak nuk e kanë mirëpritur këtë gjë, sepse sipas tyre blerja e dyqaneve dhe shtëpive nga shqiptarët po rrezikon shpërnguljen e tyre, qëndrim që nuk konsiston njetë edhe nga pala shqiptarë.

Nënkryetari i Lidhjes Demokratike të Kosovës, Lutfi Haziri, ka folur rreth asaj se si e sheh ai ndryshimin e mundshëm të kufijve mes Kosovës e Serbisë.

Ai në emisionin “BlicInterviesë” ka thënë se në kuadër të negociatave për dialog, Kosova nuk ka çka jep dhe as Serbia nuk ka çka kërkon.

Sipas tij, Kosova nuk guxon të bije në grackën e shkëmbimit të territoreve, por shton se një definim i mundshëm mund të çonte në një marrëveshje që ai e quan historike, mes Kosovës e Serbisë.

“Në parimet që unë besojë se do të jenë në kuadër të negociatave për dialog, Kosova nuk ka çka jep dhe Serbia nuk ka çka kërkon, përveç situatës që e ka detyruar mbas luftës në Kosovë që është mos shtrirja e autoritetit dhe sovranitetit të Republikës në veri”.

“Kosova nuk guxon me ra në grackën e shkëmbimit të territoreve por në marrëveshje eventuale të definimit për herë të parë, historik të kufirit mes Kosovës dhe Serbisë, atëherë i bije që vendkalim siç është fshati Qukarkë dhe Ristovc tek Bujanoci, do të jetë një ndarje historike mes shqiptarëve, serbëve dhe maqedonaseve si pjesë e ri-organizmit e cila e konfirmon mos prekjen e kufijve të Maqedonisë, defakto dhe dejure ndërsa e rregullon rregullimin e kufijve mes Kosovës dhe Serbisë”.

“Unë besoj që shuhet çdo lloj aspirate ose ambicie territoriale që mund të ketë sepse fundja problemi i shqiptarëve dhe serbëve është problem territorial”

Këshilli Kombëtarë Shqiptarë me rastin e 1 dhe 2 Marsit të vitit 1992 kur shqiptarët e Preshevës, Bujanocit dhe Medvegjës përmes Referendumit i thanë PO, bashkangjitjes me Kosovën, ndau Mirënjohje për përfaqësues të caktuar politik, që në këtë rast ishin PVD dhe UDSH, duke përvetësuar interesin e gjithë popullatës shqiptare të kësaj treve në dy subjekte politike. Presheva.com, për dy ditë radhazi ka kontaktuar persona të cilat më 1 dhe 2 Mars të vitit 1992 kishin dhënë kontributin e tyre të jashtëzakonshëm e të cilët asnjëherë nuk u përmendën në deklaratat e liderëve, të cilët ishin harruar edhe nga KKSH. “Referendumi nuk ka qenë i PVD-së as i PDSH-së edhe pse i përkas njërit prej këtyre subjekteve politike, nuk mund të pajtohem me kryetarin e KKSH Ragmi Mustafën i cili ka bërë selektimin se kujt ti ndahen mirënjohjet
Kam kontribuar në atë periudhë me të gjitha mundësit që kam patur, kam bartur materialin e votimit me shumë rreziqe sikurse edhe disa shokë të mi. Nuk po i them këto fjalë pse nuk kam marë mirënjohje, po i them sepse disa prej të dekoruarve nga Ragmi Mustafa nuk e meritojnë as edhe një shkronjë të asaj Mirënjohje” është shpehur njëri ndër kontribuesit e Referendumit i njohur për redaksinë, i cili për shkaqe familjare ka dashur të mbesë anonim. Nga ana tjetër gjatë bisedës telefonike me kryetarin e LPD-së Shqiprim Musliun, djalin e atdhetarit Jonuz Musliut, mësuam se, kontributi Jonuz Musliut në Referendumin e 1 dhe 2 Marsit ka qenë i pazëvendësueshëm kontribut i cili vazhdoi edhe gjatë periudhave më pas, deri te lufta e lavdishme e UÇPMB-së, e që u harruar në momentin ku u ndanë mirënjohjet. “Kontributin e Jonuz Musliut le ta vlerësojë popullata, ata e dinë më së miri se sa ka kontribuar babai im. Normal që nuk mund të jemë i kënaqur me anashkalimin në ndarjen e Mirënjohjeve me rastin e Referendumit sepse jetësimin e Referendumit e ka mundësuar UÇPMB dhe kontributin e Jonuz Musliut në këtë drejtim e dinë të gjithë” është shprehur kryuetari i LPD-së Shqiprim Musliu. Vlenë të theksohet se në Akademinë përkujtimore më rastin e përvjetorit të Jonuz Musliut është folur aq shumë për kontributin e tij të dhënë gjatë Referendumit sa që ka qenë e pamundur të harrohet nga KKSH./presheva.com

Vuçiq në vizitën e sotme që ka realizuar në Medvegjë, ka thënë se ky qytet do të mbetet në Serbi së bashku me Banjën e Sijarinës, ndërkohë nuk i ka përmendur fare Preshevën dhe Bujanocin.

Kreu i shtetit serb, gjithashtu, ka ftuar banorët që të vazhdojnë të punojnë e investojnë sepse asgjë nuk do të ndodhë me Medvegjën.

Ai gjatë vizitës së tij në Vlastonicë, u ka bërë thirrje qytetarëve që të mos shqetësohen për këto deklarime të Prishtinës, të cilat ai i konsideron si kërcënime.

Për këtë çështje ka folur dje edhe kryeministrja e Serbisë, Ana Brnabic, e cila ka thënë se deklarimet e Thaçit se Lugina e Preshevës do t’i bashkohet Kosovës mund të jetë vetëm një ëndërr.

“U bëj thirrje institucioneve në Prishtinë t’i kthehen realitetit. Të mos i ngrenë barrierat dhe t’i kthehen dialogut”, ka thënë Brnabiq.

Në Serbi dhe Kosovë janë duke qëndruar delegacione të Bashkimit Evropian dhe Shteteve të Bashkuara të Amerikës, të cilët po kërkojnë vazhdimin e dialogut, heqjen e taksës.

David McAllister, raportues i BE-së për Serbinë, lidhur me idenë e korrigjimit të kufijve, ka deklaruar se nuk e përkrahin krijimin e shteteve një etnike.

Delegacioni i kryesuar nga ai, pjesë e të cilit është edhe raportuesi për Kosovë, Igor Soltes, do të vizitojnë edhe Kosovën.

Sllovenia sot ka dërgoi një grup prej 19 policësh në Luginën e Preshevës për të ndihmuar kolegët serbë të kontrollojnë rajonin, njofton “Presheva Jonë”, duke përkujtuar se sllovenët po ashtu ishin të parët që u instaluan në Kosovë para shkëputjes, në kohën e “Jugollavisë”.

Bërnabiq ka theksuar se politikanët që japin deklarata të tilla duhet të kthehen në realitet dhe të kuptojnë rregullat e sjelljes së shekullit 21.

“Le të shkojmë në dialog dhe të bashkëpunojmë, mos të ngrisim pengesa”, ka thënë ajo duke u përgjigjur në pyetjen nëse do të kishte demarkim me Kosovën a do të kërkohen tri komuna në Serbi, përcjell lajmi.net.

Ditë më parë, presidenti i Kosovës, Hashim Thaçi tha se do të jap dorëheqje ose do të thërras referendum nëse Kuvendi nuk e miraton marrëveshjen me Beogradin në të cilën do të ishin edhe tri komunat shqiptare, Bujanoci, Presheva dhe Medvegja. /Lajmi.net/

Kreu i shtetit të Kosovës deklaroi se nëse marrëveshja me Serbinë nuk do të kalojë në Kuvendin e Kosovës, ai do të japë dorëheqje, për ta dërguar atë në referendum.