Goran Stevanofiq nga fshati Zhbevac në Bujanoc, u shokua kur në dokumentin e vdekjes së babait të tij, e pa të shkruar se Bujanoci është në Republikën e Kosovës.

Lajmi për këtë dokument ka bërë punë në të gjitha mediat në Serbi, duke e quajtur dokument skandaloz.

E vetë Stevanoviq, ka deklaruar për mediat serbe se frikësohet se ky dokument do t’i njihet në Serbi, për shkak se ai bën biznes atje.

“Bujanoci i Maqedonisë shpallet Republikë e Kosovës”, është njëri nga titujt në mediat serbe.

Ai në spitalin e Shkupit, e ka nxjerrë këtë dokument zyrtar rreth vdekjes së babait të tij, në të cilin shkruhej se Bujanoci gjendet në Republikën e Kosovës.

Sipas tij, ai ka parë në spital se babai i tij ka pasur një aksident në vitin 1984, ku është transferuar në spitalin më të afër – atë të Shkupit, e disa ditë më vonë i është dorëzuar plagëve dhe ka ndërruar jetë.

Atij në spital i kanë thënë se sistemi është shumë i komplikuar dhe ndryshimi nuk mund të bëhet – kështu thjesht e ka marrë dokumentin dhe është larguar.

Presheva dhe Bujanoci janë dy qendra më të pazhvilluara në Serbi, papunësia në këtë zonë është mbi shtatëdhjetë për qind, ndërsa edhe ato pak fabrika sa kishte më herët tashmë po thuaj asnjë nuk funksionon.

Qendrat për përkujdesje sociale janë institucionet e vetme shtetërore të cilat përkujdesen për familjet më të rrezikuara ekonomikisht, shkruan Titulli.com.

Në Bujanoc, shfrytëzues të ndihmave sociale janë 4160 persona, kështa ka thënë Nijazi Ahmeti, drejtor i Qendrës për Punë Sociale në Bujanoc.

Qendrat për Punë Sociale, janë institucione të themeluara nga kuvendet komunale, ndërsa ato janë të pavarura për s ai përket prurjes së vendimeve për të ndihmuar personat apo familjet e rrezikuara ekonomikisht. Mjetet për ndihma sigurohen nga buxhetet komunale dhe nga buxheti republikan i Serbisë.

Liridon Latifi, drejtor i Qendrës për Punë Sociale në Preshevë është shprehur se përveç ndihmave materiale, nevojë e jashtëzakonshme është edhe për të ashtuquajturat qendra strehuese për persona që nuk kanë përkujdesje.

Investimet ekonomike dhe hapja e vendeve të reja të punës, është shpresë për zvogëlimin e shfrytëzuesve të ndihmave sociale, ndërsa në kushtet aktuale sipas përfaqësuesve të dy institucioneve, tendencat, për ditë e më shumë janë për rritje të numrit të shfrytëzuesve të ndihmave sociale./B.R

Marrëveshja e nënshkruar mes dy subjekteve politike (PVD dhe PDSH) për bazë ka zhvillimin e gjithëmbarshëm shoqërorë si parakusht për zhvillimin e mëtejshëm dhe prosperitetin e shqiptarëve në Preshevë, Bujanoc dhe Medvegjë.

Mbrojtja, ruajtja dhe avancimi i identitetit kombëtarë në përgjithësi, e flamurit kombëtarë në veçanti, është njëra prej shtyllave kryesore të kësaj marrëveshje.

Në orët e pas ditës së sotme ka ndërruar jetë Aktrim Salihi nga Tërnoci i Bujanocit.

Aktrim Salihi ishte një ndër themeluesit e parë të ish UÇPMB-së.

Ngushëllime familjes, miqëve dhe të gjithë atyre që e njohën.(lugina24)

Inspektorët kundër zjarrit nga Vraja në bashkëpunim me policinë lokale kanë mbyllur objektin e shtëpisë së kulturës në Preshevë duke vendosur shiritat ndalesës (bllomb) që ndalon çdo hyrje dalje në këtë objekt, shkruan Titulli.com.

Inspekcioni kishte kërkuar më herët drejtorisë së këtij objekti të komunës së Preshevës që në afat të caktuar të përpilojë projektin kundër zjarrit, të cilin nuk e ka bërë.

Brenda këtij objekti është duke funksionuar biblioteka dhe Rtv “Presheva”, një medium që është në proces gjyqësorë për shkak të pronësisë pas fazës së privatizimit të mediave publike në territorin e Serbisë.

Kryetari i komunës së Preshevës, Shqiprim Arifi duke folur për këtë rast është shprehur se “bllombimi” është mos realizim i projektit kundër zjarrit që është dashur ta ketë patjetër shtëpia e Kulturës në bazë të normativave ligjore.

Ai tha gjithashtu tha se nuk është i brengosur për TVP dhe zyrën e të rinjve që ka uzurpuar Partia Demokratik Shqiptare dhe se e meritojnë me ja mbyllë objektin sepse nuk paguajnë as rryme as qira.

Diskutime dhe marrëveshjet për arsyen e mbylljes së objektit të shtëpisë së kulturës ë Preshevë po vazhdojnë nga pozita dhe opozita ndërsa të dëmtuarit kanë paralajmëruar edhe masa tjera vepruese./Titulli.com/

Ligji për qëndrim të përhershëm dhe të përkohshëm në Serbi, i miratuar në vitin 2011, po ua pamundëson qytetarëve të Luginës së Preshevës që janë shpërngulur në Kosovë që t’i ndjekin procedurat ligjore për rregullimin e statusit juridik në Kosovë.

Sipas raportit të Institucionit të Avokatit të Popullit në lidhje më të drejtat civile të shqiptarëve nga Presheva, Medvegja dhe Bujanoci, të zhvendosur në Republikën e Kosovës, kjo po ndodh për faktin se bazuar në këtë ligj, shteti i Serbisë po i shlyen nga evidenca qytetarët që nuk i gjen në vendbanimet e regjistruara dhe po iu pamundëson atyre pajisjen me dokumente personale.

Mungesa e dokumenteve, sipas raportit, qytetarëve të zhvendosur në Kosovë që nga vitit 2001, po iu pamundëson pajisjen edhe me dokumente të Kosovës.