PVD: Faleminderon për besimin e dhënë që të ketë 8 këshilltarë si dhe uron fituesin e zgjedhjeve dhe të gjitha Listat garuese për rezultatin e arritur

Të nderuar qytetarë,

Faleminderit për maturinë e pjekurinë e treguar dje e për besimin e dhënë që PVD të ketë 8 këshilltarë në Kuvendin komunal të Bujanocit.

Rezultatet e dala nga zgjedhjet e djeshme tregojnë se PVD ka arritur të ruaj votat e saja bazë, anëtarësinë e sajë të zakonshme dhe përkrahjen e tyre të jashtëzakonshme.

Faleminderit çdo aktivisti e anëtari, çdo përkrahësi e votuesi për angazhimin, përpjekjen dhe votimin. 

Faleminderit edhe gjithë atyre që pavarsisht bindjeve politike lokale, zgjodhën ta votojnë Listën e përbashkët për zgjedhjet parlamentare dhe nuk i ndëgjuan thirrjet që të njejtat t’i pengojnë.

Ne do të vazhdojmë të angazhohemi e të punojmë për të mirën e përgjithshme.

Në të njejtën kohë urojmë fituesin e zgjedhjeve dhe të gjitha Listat garuese për rezultatin e arritur dje.

Mustafa thotë se po presin rezultatin final për konfirmimin e deputetëve shqiptar në parlamentin serb

Kryetari i Këshillit Kombëtar të Shqiptarëve në Serbi, Ragmi Mustafa, ka vlerësuar që bashkimi i partive shqiptare në një listë të vetme, në zgjedhjet e së dielës në Serbi, ka simbolizuar fuqi.

“Rezultatet e zgjedhjeve në Serbi ende nuk janë certifikuar, por sipas atyre preliminare tregojnë që bashkimi bën fuqi tek partitë politike shqiptare. Kuptohet që me ndihmën dhe me lehtësimin dhe bashkërendimit të ministrit për Evropën dhe për punë të jashtme, z.Gent Cakaj, 5 nga 6 partitë politike shqiptare kanë arritur në një platformë të përbashkët unike, për të përfaqësuar interesat e shqiptarëve në Luginën e Preshevës. Nga 21 lista sa kanë garuar në Parlamentin republikan, kanë qenë edhe Alternativa Demokratike Shqiptare- Lugina e Bashkuar e cila sipas këtyre rezultateve preliminare të siguruara ka 2 deputetë por do të presim deri në përfundimin e tyre e që është afër për të marr edhe deputetin e tretë”, ka thënë ai

Mustafa ka theksuar, që Tirana ka pasur një rol aktiv në këtë proces.

“Ajo që mund të theksoj është që në këto zgjedhje për herë të parë ka pasur një rol proaktiv të Tiranës që nuk ka qenë më parë dhe kjo natyrisht që ka ndikuar që të ketë këtë numër të votave”, ka thënë tutje ai.

Se është e rëndësishme që partitë politike shqiptare të jenë të bashkuara dhe të flasin njëzëri për të drejtat e shqiptarëve në Luginë, e ka thënë edhe Ragmi Mustafa. Ai ka thënë që interesat e të gjithëve duhet të jenë të përbashkëta.

Sot në komunën e Bujanocit u mbajtën zgjedhjet lokale ku për herë të parë që nga viti 2002 partia serbe e Presidentit Vuçiq del partia e parë në këtë komunë, raporton rtvpresheva.com

Sipas rezultateve jozyrtare në kampin shqiptar udhëheq Partia Demokratike e Nagip Arifit me 4727 vota e ndjekur nga Partia për Veprim Demokratik me 3807 vota, Lëvizja e Progresit Demokratik renditet e treta me 1962 vota, Alternativa për Ndryshim e katërta me 1581 vota, Unioni Demokratik Shqiptar e pesta me 684 vota.

Nga viti 2002 e deri në zgjedhjet e vitit 2016 rregullisht një parti shqiptare ka dalur e para në zgjedhje dhe janë këto zgjedhje kur për herë të parë Partia Përparimtare e Serbisë-Aleksandar Vuçiq ka arritur që të dalë subjekti më i votuar në Bujanoc me afërsisht 5000 vota, gjithnjë duke u bazuar në rezultatet jozyrtare.

Ky rezultat do të thotë se SNS-i do ta ketë primatin në formimin e shumicës qeverisëse, e nëse partitë shqiptare duan të kenë edhe në këtë mandat kryetarin e komunës shqiptar atëher nevojitet krijimi i koalicionit të gjërë mbrenda partive politike shqiptare

Sipas rezultateve jozyrtare në kampin shqiptar udhëheq Partia Demokratike e Nagip Arifit me 4727 vota e ndjekur nga Partia për Veprim Demokratik me 3807 vota, Lëvizja e Progresit Demokratik renditet e treta me 1962 vota, Alternativa për Ndryshim e katërta me 1581 vota, Unioni Demokratik Shqiptar e pesta me 684 vota.

Nga viti 2002 e deri në zgjedhjet e vitit 2016 rregullisht një parti shqiptare ka dalur e para në zgjedhje dhe janë këto zgjedhje kur për herë të parë Partia Përparimtare e Serbisë-Aleksandar Vuçiq ka arritur që të dalë subjekti më i votuar në Bujanoc me afërsisht 5000 vota, gjithnjë duke u bazuar në rezultatet jozyrtare.

Ky rezultat do të thotë se SNS-i do ta ketë primatin në formimin e shumicës qeverisëse, e nëse partitë shqiptare duan të kenë edhe në këtë mandat kryetarin e komunës shqiptar atëher nevojitet krijimi i koalicionit të gjërë mbrenda partive politike shqiptare

Në bazë të rezultateve preliminare Partia Demokratike është lista fitues shqiptare e zgjedhjeve lokale në komunën e Bujanocit me afro 4805 vota  ndërsa Partia Përparimtare Serbe (Aleksandër Vuciq) ka rreth 4980 vota.

Të gjitha këto rezultate janë jo zyrtare ndërsa në bazë të kësaj shqiptarët në këto zgjedhje e kanë humbur primatin e fituesit të listës së parë shqiptare, rol që kishin nga zgjedhjet e vitit 2002.

Sipas këtyre rezultateve jozyrtare partia fituese e zgjedhjeve është lista “Aleksandër Vuçiq- Për fëmijë tonë “ që pritet të ketë 11 këshilltarë ndërsa Partia Demokratike me 10 këshilltarë në kuvendin komunal që përbëjnë shumicën.

Ndërtimi i koalicionit të partive shqiptare pritet të jetë jë sfidë për listat shqiptare që kanë fituar mandate në kuvendin komunal./

Kryetari i Gjilanit, Lutfi Haziri ka thënë se shqiptarët duhet të bashkohen për t’u përfaqësuar dinjitetshëm në zgjedhjet e Serbisë.

Haziri ka uruar që këto zgjedhje të jenë të fundit për shqiptarët e Kosovës Lindore ku qendër të vendimmarrjes e kanë Beogradin.

“Uroj që të jenë zgjedhjet e fundit të shqiptarëve të Kosovës Lindore të kësaj natyre dhe qendra e vendimmarrjes së tyre të mos jetë më Beogradi, por Prishtina. Prishtina zyrtare e ka për obligim që
Rezolutën e Kuvendit të vitit 2013, e cila është votuar nga dy të tretat e deputetëve, ta ketë udhërrëfyes të zgjidhjes së problemit të shqiptarëve të Kosovës Lindore edhe pas 21 qershorit”, ka shkruar Haziri.

Ai ka deklaruar se qendra e shqiptarëve të luginës nuk do të jetë kurrë Beogradi.

“Mos iu besoni atye që u thonë se qendra e juaj është vetëm Beogradi sepse nuk ka qenë dhe nuk do të jetë kurrë. Meqenëse një pjesë e qytetarëve të Kosovës Lindore jetojnë pa drejta civile dhe pa të drejta politikë në Republikën e Kosovës, le ta shfrytëzojnë të drejtën për të shkuar nesër për të votuar. Votoni për t’u fuqizuar”, ka thënë ai.

Në komunën e Bujanocit ka filluar me kohë procesi i votimit për zgjedhjet lokale dhe ato parlamentare.

Sipas kryetarit të komisionit komunal zgjedhorë, Fraush Islami 59 vendvotimet në territorin e komunës së Bujanocit janë hapur me kohë në orën 7 të mëngjesit.

Në zgjedhjet lokale në komunën e Bujanocit marrin pjesë 5 lista shqiptare ndërsa të drejtë vote kanë 43.480 votues.

Qytetarët mundë të votojnë me dokument identifikimi apo edhe leje për vozitje për zgjedhjet lokale dhe ato parlamentare deri në orën 20

Nëse ruajmë paqen dhe stabilitetin, unë jam plotësisht i bindur që pagat në Serbi do të jenë 900 euro deri në vitin 2025 dhe se ekonomia serbe do të rritet më shpejt në Evropë deri atëherë, thotë Presidenti i Serbisë, Aleksandar Vuçiq.

Ai shprehet se beson në një rezultat të tillë sepse, thekson ai, në dy vitet e kaluara, Serbia ishte në pesë vendet e para në Evropë për sa i përket rritjes ekonomike.

Nga 24 marsi është zhdukur një person nga Presheva dhe më nuk i është lajmëruar familjes së tij, raporton indeksonline përcjell rtvpresheva.com

Burimet e Indeksonline mësojnë se personi në fjalë kishte tentuar të kalonte përmes pikës kufitare në Merdare, për në Serbi, por se nuk ishte lejuar. Ai kishte tentuar sërish përmes një pike tjetër kufitare por prapë nuk kishte arritur të dilte matanë kufirit.

Tutje nga po këto burime, mësohet se vetura e tij është gjetur në periferi të Kufirit Kosovë-Serbi që të dërgon për në Preshevë.

Personi në fjalë dyshohet se ka tentuar ilegalisht të kaloj kufirin, meqë u kishte thënë familjarëve të tij se frikësohej se do mbetej pa punë.

Ndërsa rtvpresheva.com nga burimet e veta mëson se bëhet fjalë për një qytetar nga rrethina e Preshevës i cili është i punësuar në një institucion komunal të Preshevës. Shpresojmë që me bashkëvendasin tonë gjithçka të jetë në rregull dhe të jetë në karantinë diku.