Në sallën e kuvendit komunal në Bujanoc është mbajtur seminari final në të cilin morën pjesë 80 nxënës të shkollave të mesme nga Bujanoci dhe Presheva.

Pjesëmarrësve iu drejtua edhe koordinatori i zyrës së OSBE-së në Bujanoc, Gjakomo Bosisio dhe u shpreh se është kënaqësi të shoh një fotografi të kuvendit komunal të mbushur me njerëz të rinj.

“Misioni i OSBE-së është duke financuar këtë projekt në kuadër të punës në promovimin e tolerancës dhe parandalimin e radikalizmit. Ne themi se siguria është koncept i gjërë dhe nuk ka të bëjë vetëm më sundimin e ligjit por lidhet edhe me inkurajimin e të rinjve, edukimin dhe qeverisjen e mirë”, theksoi mes tjerash Bosisio.

Gjatë këtij seminari me një ligjëratë e diskutim prezantoi edhe kryetari i komunës së Bujanocit, Shaip Kamberi i cili foli mbi rolin dhe përgjegjësit e kryetarit të komunës dhe funksionimin në përgjithësi.

Kryetar i organizatës “Vizionet Atraktive”, Ibrahim Rustemi u shpreh se seminari ka ndikuar në forcimin e komunikimit mes nxënësve dhe janë inkurajuar në informim lidhur me funksionimin e qeverisjes lokale.

Ligjëratat gjatë seminarit u mbajtën nga bashkëpunëtorët e këtij projekti Fejzi Beqiri dhe Gani Rashiti të cilët shpjeguan për pjesëmarrjen qytetare referendumin ,ankesat, iniciativat dhe tubimet qytetare .

Dugagjin Hasani, udhëheqës i grupit të Preshevës i tha nxënësve se do të vazhdoj bashkëpunimin në aktivitetet e ardhshme dhe falënderoi për pjesëmarrje aktive gjatë gjithë seminare të organizuar në kuadër të projektit.

Ky seminar i mbajtur me dy grupet pjesëmarrës ishte i përbashkët dhe njëkohësisht përmbylli ligjëratat lidhur me funksionimin e qeverisjes lokale, rolin e kryetari të komunës, kuvendit, aktivizimi i qytetarëve në vendimet e komunës dhe organeve tjera publike.

Ky aktivitet u organizua nga “Vizionet Atraktive” në kuadër të projektit “Rinia Aktive në Bujanoc dhe Preshevë” i mbështetur financiarisht nga Organizata për Siguri dhe Bashkëpunim Evropian në Serbi (OSBE).tituli.com/lugina24.com

Rruga nga Bujanoci për në fshatrat Sumulicë dhe Bilaç vazhdon të jetë në gjendje të rëndë dhe katastrofale. Banorët thonë se çdo ditë po dëmtojnë makinat e tyre duke kaluar në këtë rrugë të mbuluar nga uji dhe puset.

Sipas tyre, derisa po zvarriten punimet e filluara për rregullimin e kësaj rruge, ata çdo ditë po përjetojnë dëme. Banorët e këtyre vendbanimeve apelojnë që sa më shpejtë të përfundohet kjo rrugë, sidomos në periudhën para pushimeve të Mërgimtareve.Lugina24.com

Se sa e papërballueshme ishte humbja e koalicionit PVD-LPD-UDSH nga PD-ja e vetme në zgjedhjet për bashkësinë lokale në Bilaç dëshmon edhe vendimi i fundit i Kuvendit Komunal të Bujanocit për anulimin e zgjedhjeve të mbajtura më 25.03.2018, ku fituese e pakontestueshme doli lista e PD-së me një diferencë të madhe votash.

Nën presionin e vazhdueshëm të kryetarit të komunës së Bujanocit dhe anëtarëve të nëndegës së PVD-së në Bilaç, për arsye krejt banale, kryetari i Kuvendit Dr. Adnan Salihu ditën e djeshme ka anuluar zgjedhjet dhe kërkon përsëritjen e tyre në ditën e shtunë më 31.03.2018.

Në kohën kur pritet të mbahet mbledhja e tre kuvendeve shqiptare në Luginë të Preshevës për të diskutuar për situatën e rëndë politike në rajon, pushteti në Bujanoc si duket nuk don të ia dijë për këtë çështje. Megjithë proklamimet se nuk dëshirojnë ta maltretojnë popullin për të dalë në këto zgjedhje, pasi që për ta këto zgjedhje janë të parëndësishme, në anën tjetër veprimet e tyre dëshmojnë të kundërtën. Pushteti lokal në krye me Shaip Kamberin shkeli mbi vullnetin e lirë të qytetarëve të Bilaçit duke mos njohur zgjedhjet në këtë bashkësi lokale, dhe dhunshëm kërkon që ta marr atë.

Si duket, as situata e rënduar politike pas arrestimit të politikanit serb në Mitrovicë dhe fluturimit të avionëve ushtarak mbi qiellin e Preshevës, nuk po i ndal qëllimet e këqija të këtij pushteti kundër popullatëa së vet.

Cila është më e rëndësishme për pushtetarët lokal; mbajtja e tre kuvendeve shqiptare të Luginës së Preshevës, apo maltretimi i popullatës për të dal në zgjedhje të bashkësive lokale?

Forca në Kosovë (KFOR) e Organizatës së Traktatit të Atlantikut Verior (NATO) ka reaguar pas raportimeve në mediat kosovare për fluturimin e aeroplanëve luftarakë serbë në kufirin me Kosovën, përkatësisht në Preshevë.

KFOR’i ka sqaruar se nuk bëhet fjalë për ndonjë kërcënim nga Serbia, duke thënë se avionët ushtarakë serbë bënë manovra.

Nëpërmjet një njoftimi për media, KFOR ka bërë të ditur se është duke i ndërmarrë kontrollet e duhura, përkitazi me rastin.

“Autoritetet ushtarake serbe kanë deklaruar se kanë qenë duke bërë një ushtrim për manovrat taktike ‘Sadejstvo 2108’, të planifikuar për nesër”, ka sqaruar KFOR.

Zëdhënësi i Ministrisë së Mbrojtjes së Serbisë, kapiteni Jovan Krivokapiq, ka dhënë sqarime rreth fluturimeve të avionëve luftarakë serbë

Kryeministri i Kosovës, Ramush Haradinaj ka thënë se nuk do të ketë ndarje të Kosovës e as këmbim territoresh, transmeton “Zëri.info”.

Haradinaj përmes rrjetit social“Facebook”, ka shkruar se Lista Serbe duhet të kthehet dhe të diskutojë për temat e përbashkëta për të mirën e qytetarëve.

“Presidenti serb, Vuqiç, duhet ta kuptoj që durimi i Kosovës nuk duhet testuar pa kufi dhe se ne do ta mbrojmë të drejtën tonë”, ka shkruar Haradinaj.

Ai po ashtu ka thënë se Demarkacioni ka marrë epilogun e duhur si dhe sipas tij, LDK-ja ka treguar korrektësi politike në këtë proces.

Kryetari i komunës së Preshevës, Shqiprim Arifi, ka reaguar pasi avionë ushtarak serb janë parë ndërsa fluturonin në distancë të ulët në territorin në afërsi të kufirit me Kosovën.

Arifi thekson se veprimet e tilla shtojnë pasigurinë dhe ankth tek shqiptarët në Luginën e Preshevës, njofton Klan Kosova.

”Sot rreth orës 14.00 qytetarët e Komunës së Preshevës janë shqetësuar nga fluturimi në distancë të ulët të avionëve ushtarak të Republikës së Serbisë/Lugina24.com